Nahulog sa kalog ang patrol car sang La Castellana Municipal Police Station sa Brgy La Granja, La Castellana kahapon sang alas- 2:00 sang kaagahon.
Sa interview sang Bombo Radyo Bacolod kay Police Captain Judesses Catalogo, sakay sa patrol car sanday Police Captain Dennis Melgarejo, officer in charge sang La Castellana Municipal Police Station, kag isa ka police kag subject suspect sa drug buy bust operation.
Suno diri, nagikan sa Bacolod City ang patrol car matapos nga ginpaidalum sa drug test ang suspek kag sang pabalik na sa banwa, aksidente nga nahulog sa kalog ang salakyan.
Suno kay Catalogo madanlog ang dalan bangod sa wala untat nga pag-ulan rason nga nahulog sa kalog ang salakyan.
Gindala sa ospital sa ciudad sang Bacolod si Police Captain Dennis Melgarejo bangod sa injury sini sa ulo kag sa ribs samtang minor injuries naman ang na-agom sang isa ka police kag sang subject suspek.
