Nagdangat sa P10 million ang ginbayad sang provincial government sang Negros Occidental sa paghakot sang hazardous waste sang mga ospital sa Negros Occidental.
Ginpasiguro ni Provincial Administrator Atty. Rayfrando Diaz nga gina-comply na sang Provincial Government ang mga obligasyon sini angot sa husto nga pag-dispose sang hazardous wastes sa mga ospital nga ginadumala sang Provincial Government.
Ang hazardous hospital wastes ang ginalakipan sang mga PPEs, mga vials, mga renggilya kag iban pa nga gingamit sa COVID testing.
Ang duha ka ospital ang ginlakipan sang Cadiz City District Hospital kag Teresita Lopez Jalandoni Provincial Hospital.
Ginpasiguro ni Atty. Diaz nga gin-handle sang maayo ang nasambit nga hospital wastes padulong sa isa ka treatment plant sa Cavite.
Ginpahayag man nga ini ang una nga tion nga ang Provincial Government ang nagpaidalom sa disposal sang hazardous wastes nga madugay na nga nalubong sa mga compound kag septic vaults sang mga ospital nga ila ginadumala.
