Balor sang halit sa sunog nga nagluntad sa ciudad sang Victorias nagdangat sa kapin P2.3 million

Nagdangat sa kapin P2.3 million ang balor sang halit sa nagluntad nga sunog sa Canetown Subdivision, Barangay 19A, ciudad sang Victorias, Negros Occidental, kaina alas- 4:30 sang kaagahon.

Sa interview sang Bombo Radyo kay FO1 John Jeff Basa, fire investigator sang Victorias – Bureau of Fire Protection, ang balay ginapanag-iyahan ni Ricardo Sevilleno apang ginparentahan sini sa duha ka Indian National.

Suno diri, totally damaged ang balay kag gindeklarar nga fire out alas-5:20 sang kaagahon.

Suno sa Indian national, nag-umpisa ang sunog sa kisame apang padayon pa ang imbestigasyon sa rason sa nagluntad nga sunog.