Masobra P105 million ang gintalana nga pondo para sa Negros Island Region santo sa National Expenditure Program 2026.
Sa data nga ginpagwa ni Negros Occidental 6th District Representative Mercedes “Chedeng” Alvarez, P105,358,179 ang pondo nga gintalana para sa Negros Occidental, Negros Oriental kag Siquijor ukon NIR.
Sa pihak nga bahin, nagnubo naman ang budget sang Region 6 kag Region 7.
Sa pagkadula sang Negros Occidental sa Region 6 ukon Western Visayas ang ila budget sa 2025 nga P236,598,624 ang ginpanubo sa P198,746,116 sa 2026.
Ini ang nagnubo sang 16 porsyento ukon P37,852,508.
Samtang sa pagkadula sang Negros Oriental kag Siquijor sa Region 7 ukon Eastern Visayas ang ila budget sa 2025 nga P256,526,227 ang ginpanubo sa P234,943,643 sa 2026.
Ini ang nagnubo sang 8.41 percent ukon P21,582,584.
Samtang as of July 31, 2025, gin-aprubahan naman sang Department of Budget and Management ang pagtukod sang 10 ka NIR National Government Agencies.
Ini ang ginalakipan sang Department of the Interior and Local Government (DILG), Department of Public Works and Highways (DPWH), Department of Health (DOH), Department of Budget and Management (DBM), Technical Education and Skills Development Authority (TESDA) upod sa Department of Labor and Employment (DOLE), Department of Tourism (DOT), National Nutrition Council (NNC) upod sa DOH, National Wages and Productivity Commission (NWPC) upod sa DOLE, Commission on Elections (COMELEC) kag National Intelligence Coordinating Agency (NICA).
