Duha patay, madamo ang pilason sa mass shooting sa isa ka church service sa Catholic School sa Minneapolis, Minnesota, USA

Indi magnubo sa duha ka mga kabataan ang kumpirmado nga patay sa mass shooting nga nagluntad sa Annunciation Catholic School sa Minneapolis sa Hennepin County, Minnesota, USA.

Suno sa kapulisan, nagapatigayon sang isa ka church service sang hinali lamang nga nagpaarak sang luthang ang suspetsado.

Gilayon nga nagresponde ang mga otoridad sa insidente matapos makabaton sang tawag kag gindala sa ospital ang lima ka mga kabataan nga natiruhan.

Gin-utas man sang suspetsado ang iya kaugalingon nga kabuhi suno sa mga otoridad.

Yara man sa lugar ang Federal Bureau of Investigation (FBI) kag pila ka mga otoridad agud magpatigayon sang madalom nga imbestigasyon.