Natigayun nga madismantle ang drug den sa Purok Bayanihan, Brgy. Villamonte, Bacolod City kahapon sang hapon, kag naaresto ang tatlo ka mga persona.
Ang drug buybust operation ang ginpatigayon sang Philippine Drug Enforcement Agency – Negros Island Region (DPEA-NIR) alas-3:30 kahapon sang hapon.
Ang mga naaresto ang ginkilala nga sandat Alyas Katherine, 33 anyos, single, fast food crew, Alyas Rey, 22 anyos, single, tricycle driver kag Alyas Lexie, 17 anyos, single, estudyante, lunsay mga residente sa lugar.
Sila ang naaktuhan nga nagasuyop sa drug den kag narecover man ang 17 ka sachet sang suspected shabu, duha ka improvised tooter nga may bilin-bilin pa nga suspected shabu, duha ka disposable plastic lighters, cash nga ginapatihan benta sa pagbaligya sang illegal nga droga kag pila ka non-drug related items.
Ang suspected shabu ang ginabanta nagabug-at sang pito ka gramos nga may standard drug price nga P47,600.
Ang tatlo ang mangatubang sang kaso sa paglapas sa Section 5 (pagbaligya), 6 (pagmentinar sang drug den), 7 (pagbisita sa drug den) , 11 (posession) kag 12 (drug paraphernalia) sang Republic Act 9165 ukon Comprehensive Dangerous Drugs Act of 2002.
