Ginpahayag sang Bacolod City Fire Station nga may ginrespondehan nga lain nga sunog ang fire truck sa pinakamalapit nga fire sub-station sang nagluntad ang sunog sa Barangay 27, Bacolod City.
Sa interview sang Bombo Radyo Bacolod kay Fire Superintendent Jenny Mae Masip, fire marshal sang Bacolod City Fire Station, 216 ang balay nga nahalitan nga ginalakipan sang 180 nga totally damaged kag 36 nga partially damaged.
Luwas sa mga pamalay, may mga nasunog man nga business establishments kaangay sang furniture shops.
Suno kay Masip, alas-12:09 sang kaagahon na sang may walk-in nga nagpahibalo sa Fire Superintendent Jenny Mae Masip apang ang ila nga fire truck ang una na nga nakaresponder sa nasunog nga balay sa Brgy Granada.
Sunog nga gincontact ang Bacolod City Fire Station headquarters apang kasubong man nga nakadeploy ang fire trucks.
Ang nakaresponder gilayon amo ang Libertad substation, apang sa ila nga pag-abot napulo na ka balay ang nalamon sang kalayo.
Matapos mapalong ang sunog sa Granada, gilayon man nga nag-augment ang apat ka firetrucks nga nakadeploy.
P4.5 million ang estimated damage sang pagkasunog sang 3,000 square meters nga lot area.
Nagdangat sa 3rd alarm ang sunog kag nafire-out alas-3:10 sang kaagahon.
May isa naman ka bombero nga napilasan bangod may-ara sang nasab-it nga kutsiklo samtang nagahunos ini sang fire hose.
Ginapasalamatan man ni Masip ang augmentation sang mga bombero gikan sa Murcia, Silay, Talisay kag Bago City.
Pahanumdom sini nga bisan ano ka kampanya sang Bureau of Fire Protection (BFP), magaluntad gihapon ang sunog kun wala nagapractice sang fire safety ang mga pumuluyo.
Samtang panawagan naman sini nga gilayon magtawag sang bombero kun may magluntad nga sunog.
