Pilason ang 35 anyos nga construction worker matapos ginlabo sang iya bayaw nga iya ginbayaan matapos mag-inom sang makahulubog nga ilimnon sa Sitio Patay, Brgy Camugao, Kabankalan City, Negros Occidental, kahapon alas- 9:18 sang aga.
Ang biktima ang ginkilala nga si Joeval Barreto, samtang ang suspek naman amo si Alvin Aplaon, 34 anyos, kag mangunguma.
Sa interview sang Bombo Radyo kay PLt Col Roberto Indiape, hepe sang Kabankalan City Police Station, magka-upod ang duha sang Biyernes sang gab-i samtang naga-inom sang makahulubog ilimnon.
Suno diri, naglisensya si Barreto nga magpauli na apang ginpilit ini ni Aplaon nga magtinir.
Nagpauli sa gihapon si Barreto kag kahapon sang aga, ginsulong ni Aplaon si Barreto sa iya balay kag ginlabo ang biktima sa ulo, paa kag tiil.
Nadakpan sa hot pursuit operation si Aplaon samtang si Barreto naman nagapadayon nga nagapabulong sa ospital.
