Tatlo ka mga District Engineer sa Provincia sang Negros Occidental ang ginpa subpoena sang National Bureau of Investigation (NBI) angut sa flood control projects.
Suno kay NBI Bacolod Deputy Chief Supervising Agent William De Arca nga sadtong tuig 2021 tubtob 2025 may yara sang 12 ka mga projects ang District 1 sa diin duha diri ang padayon pa nga gina obra, isa sa sa District 2, katorse sa District3 nga may yara duha nga wala mahuman, walo sa District 4 nga may isa ka wala mahuman, dose sa District 5 nga yara sa San Carlos City kag trentay otso naman sa Bacoloid City lone district nga may walo ka padayon pa nga gina obra.
Ila ini gina usisa bangud sa posibilidad nga may yara man sang project insertions.
Na talupangdn ni de Arca nga wala naga kooperar ang mga District Offices sang DPWH bangud nga wala ini naga sumiter sang kinahanglanon nga mga documento. Ginpahayag ni De Arca nga iga crossmatch nila ang ginapanagayo nga mga records sa dokumento nga ara na karon sa ila nga paghinakop.
Sila ang gina pa sumiter sang reports sa tagsa ka semana sa NBI Central Office.
Kon padayon nga indi mag kooperar ang mga district engineers, iga report nila ini sa Independent Commission on Infrastructure.
Magluwas sa tatlo nga ginpa subpoena, may yara pa sang dugang nga tatlo sa masunod nga semana.
