Isa patay kag isa pilason matapos ginluthang ang mag-utod nga lalaki sa Purok Active, Brgy Mandalagan, Bacolod City, kaina sang aga.
Ang mga biktima ang ginkilala nga sanday Harold Espina kag Harly Espina.
Sa interview sang Bombo Radyo sa nakawitness nga si Alyas Sam, nagabyahe siya sang tricycle kag nagapark sa area sang naglabay ang mag-utod sakay sa motorsiklo.// Suno diri, ang duha ka lalaki nga suspek nagasakay sa motorsiklo kag nagasunod sa mga biktima.
Hinali lang nga ginluthang sang backrider nga suspek si Harold nga naga-angkas apang nahimo pa ni Harly nga magdalagan apang gilayon nanaog ang backrider nga suspek kag gintiro si Harly sa likod.
Dead on the spot si Harold samtang si Harly naman ginhingagaw dala sa ospital.
Suno kay Alyas Sam, nakafacemask ang driver nga suspek kag wala naman sang tabon ang nawong sang backrider.
Dugang pa sini, gintulok pa siya sang nagtiro nga suspek apang wala sini maayo nakita ang nawong sang suspek bangod gihakos siya sang iya pasahero nga nagabusong.
Pahayag ni Alyas Sam, indi lamang siya ang nakakita sa natabo bangod may yara man sang iban nga sugata ang mga biktima nga nagalabay sa area
