4.9 magnitude nga linog nabatyagan sa Sipalay City, Negros Occidental kaina sang aga

Nabatyagan ang 4.9 magnitude nga linog sa ciudad sang Sipalay, Negros Occidental, alas- 8:04 kaina sang aga.

Ang patay-og sang duta may kadalumon nga 10 km kag nabatyagan sa pila ka bahin sang Western Visayas.

Narekord ang intensity 1 sa Bago City kag Intensity 2 sa Iloilo City samtang gin-evacuate naman ang mga estudyante sa Kabankalan Catholic College para sa ila safety kag may ginpatigayon nga evaluation sa buluthuan antes gin-resume ang klase.

Suno kay City Disaster Risk Reduction and Management Office Head Dr. Merijene Ortizo, madasig lang ang nabatyagan nga linog kag iban sa mga residente wala na naggwa pa sa ila mga balay bangod segundos lang ang pagtay-og sang duta.