Ginpahayag sang negrense nga nakapangasawa sa Bogo City, Cebu nga madamo na sang bulig nga nagalab-ot sa ila.
Sa interview sang Bombo Radyo Bacolod kay Noel Inosanto, nagapadayon sa gihapon ang aftershocks apang mahinay nalang.
Suno kay Inosanto kun adlaw mahimo sila makasulod sa ila balay agud nga magdigamo apang kun gab-i sagwa na sila nagatinir bangud nakulbaan sila sa gihapon nga magluntad ang mabaskog nga aftershocks samtang nagakatulog.
Pila sa mga bulig nga nagdangat sa ila ang cash assistance nagikan sa Department of Labor and Employment.
Ginpasalamatan man sini ang bulig sang Negros Occidental Provincial Government.
Nahibaluan nga ang One Negros Response team ang nagpadulong sa Bogo City agud nga maghatag sang bulig.
Sa karun ang ginakahangaw-an naman sang mga ini ang pagdamo sang mga sinkholes ilabi na sa nabukid nga bahin sang Cebu.
