Ginpahayag sang chairperson sa Committee on Tourism sa Sangguniang Panlungsod sang Bacolod nga bantayan ang mas mainit nga competition sa Masskara Arena and Street Dance Competition- Barangay category subong nga adlaw.
Sa interview sang Bombo Radyo kay Councilor Jason Villarosa, natapos nga madinalag-on ang Arena and Street Dance Competition- school category kag ginapasalamatan sini nga wala sang major incident nga nagluntad kag wala sang may naka-angkon sang major injuries.
Suno diri, kun sang tinalikdan nga tuig madamo sang nalipong kag natumba, subong pilahon lang ang natumba kag wala man sang injured.
Suno sa konsehal, nakibot siya sa performance sang mga kabataan sa pagpakita sang ila kabakod kag talento sa ila mga performance.
Pangagda ni Villarosa, bantayan ang mas mainit nga competition sa Arena and Street Dance Competition- Barangay category.
