Malapit nalang makagwa sa Philippine Area of Responsibility ang Tropical Storm RAMIL.
Ang bagyo ang ulihi nga nasiplatan sa 350 km sa nakatungdan sang Sinait, Ilocos Sur.
Dala sini ang kabaskugon sang hangin nga nagadangat sa 65 km/h kag pagmadlos nga tubtob 80 km/h.
Ini ang nagahulag sa naaminhan-nakatungdan nga dereksyon sa kadasigon nga 25 km/h.
May pila pa ka mga lugar sa Luzon nga napaidalom gihapon sa Tropical Cyclone Wind Signal no. 1.
Ini ang ginalakipan sang:
-Ilocos Norte
-Ilocos Sur
-La Union
-Northern kag western portions sang Pangasinan
-Abra, kag
-Western portion sang Benguet
Luwas sa mga lugar nga napaidalom sa Wind Signal No. 1, ang extension ukon Trough sang Bagyo RAMIL ang makatuga man sang maulanon nga panahon kag makusog nga huyop sang hangin partikular na sa coastal kag upland areas sang Ilocos Region, Cordillera Administrative Region, Cagayan Valley, Central Luzon, kag Occidental Mindoro.
Sa forecast track sang Bagyo, ginalauman nga ini ang magapadayun sa paghulag padulong sa west northwestward nga dereksyon samtang yara sa West Philippine Sea.
Ini ang ginapaabot na nga makagwa sa PAR subong nga aga.
Ang Bagyo RAMIL ang ginalantaw nga liwat nga magabaskog samtang yara sa West Philippine Sea kag magadangat sa severe tropical storm category pagka gwa sini sa Philippine Area of Responsibility.
