Dako ang pagpasalamat sang Punong Barangay sang Barangay Tangub matapos nga sila ang nangin champion sa Masskara Festival 2025 Arena and Street Dance competition-Barangay Category.
Sa interview sang Bombo Radyo Bacolod kay Punong Barangay Noli Villarosa, tuman ang kalipay nila sa Barangay Tangub nga sila ang nakakuha sang championship.
Suno kay Villarosa, apisar nga naggasto sila sang dako, dako man ang pagpasalamat sini kaupod ang mga residente bangud sa kadalag-an.
Suno sa Punong Barangay makaligad ang pito katuig sila liwat ang nag-champion.
Suno diri sa termino sini bilang Punong Barangay ang Barangay Tangub ang makaduha mangin 1st runner-up kag makaduha man mag-champion.
Ang performance sang Barangay Tangub ang indi lang para sa championship kundi para man sa paghakot sang mga tumalan-aw kag bisita.
Samtang dako man ang pagpasalamatan sang choreographer sang Barangay Tangub sa Barangay council kag sa tanan nga nagbulig sa ila agud nga mangin madinalag-on ang ila nga performance kag makuha ang championship.
Suno kay Joedem Casabuena, nakaluy-an nga nag-champion ang Barangay Tangub.
Si Casabuena ang choreographer man sang grand slam champion nga Barangay Granada.
