North kag South bus terminal sang Bacolod, gin-inspect sang LTO kag PDEA para sa nagahilapit nga undas

Nagpatigayon sang inspection ang Land Transportation Office- Negros Island Region, Philippine Drug Enforcement Agency- Negros Island Region, kag Highway Patrul Group sa North kag South bus terminal sa ciudad sang Bacolod para sa undas 2025.

Sa interview sang Bombo Radyo kay Melvin Estoque, regional director sang PDEA NIR, naesturya na sini ang mga pasahero, mga drivers kag security officers sa terminals kag wala sila sang may nabaton nga mga reklamo ukon report nga may nagluntad nga insidente.

Suno diri, may yara man sila sang K-9 dogs nga nagastekyar sang mga gamit sang mga pasahero.

Pahanumdom ni Estoque, indi magdala sang kontrabando kag ireport ang mga suspicious nga butang.