Ginpahayag ni President Ferdinand “Bongbong” Marcos Jr. sa 47th Association of Southeast Asian Nation (ASEAN) Summit kahapon nga ang pagpirma sang upgraded nga ASEAN–China Free Trade Agreement ang magahatag sang dugang nga trabaho para sa mga Pilipino.
Suno sa Presidente, ang nasambit nga agreement magasuporta sa micro, small and medium enterprises (MSMEs), magapabakod sang supply chains kag magahatag sang bag-o nga mga oportunidad sa digital kag green economy.
Dugang pa niya nga ini ang makabulig sa pag-uswag sang pungsod kag mas mapabakod ang ASEAN-China partnership.
Mahibaluan nga nagpirma ang 11 ka miyembro sang ASEAN kag ang China sang isa ka upgrade sa ila free trade agreement kalakip na sa bahin sang digital, green economy kag iban pa nga mga bag-o nga industriya.
Mahibaluan nga ang Regional Group amo ang pinakadako nga trading partner sang China nga may kabug-osan nga bilateral trade nga naglab-ot sa 771 billion dollars sang tinalikdan nga tuig.
