Nangin madinalag-on ang signing sang Memorandum of Agreement sa tunga sang Bombo Radyo Bacolod kag Philippine Guardians Brotherhood Incorporated (PGBI)- Negros Island Region para sa Dugong Bombo: Bloodletting activity sang Bombo Radyo Philippines sa Nobyembre 15.
Sa interview sang Bombo Radyo kay PGBI-NIR Regional Director Venchito Magalona, kabahin na sang proyekto sang ila brotherhood ang bloodletting activity kag commuity service kag humalin pa sadto nagasabat gid sila sa panawagan sang Bombo Radyo para sa Dugong Bombo.
Suno diri, sa karun nagsaka na sa 19,000 ang miyembro sag PGBI sa probinsya sang Negros Occidental samtang kapin 3,600 naman ang ila miyembro sa Bacolod City chapter.
Pahayag ni Magalona, humalin pa sadto nagapadala sila sang ila mga miyembro agud mangin blood donor sa Dugong Bombo bangod para sa ila luyag nila nga magbulig sa mga nagakinahanglan.
Dugang pa sini ang pagpakuha sang dugo may maayo nga benepisyo para sa ikaayong lawas sang tawo.
Pahayag sini, sa karun nga pormal na nga may MOA sa tunga sang Bombo Radyo Bacolod kag Philippine Guardians Brotherhood Incorporated, nagapanawagan ini sa tanan nga makigbahin sa Bloodletting activity agud madamo sang mabuligan sa tion sang emerhensya.
