Preparado na ang Bacolod City Disaster Risk Reduction and Management Office para sa bagyo Verbena.
Sa interview sang Bombo Radyo Bacolod kay Earl Edward Ramirez, operation chief sang Bacolod City DRRMO, napaidalum sa karun sa signal no. 1 ang ciudad apang kahapon pa lamang napa-alerto na ang Barangay DRRMO ilabi na sa mga flood prone areas.
Suno diri, nakastandby na ang ila rescue vehicles, equipment kag personnel sang emergency response team kun may yara man sang patigayonon nga pag-evacuate sa mga pumuluyo.
Sa karun normal pa ang status sang mga suba sa ciudad nga ginatsekyar kada- tatlo ka oras.
Apang, nagpahanumdom ini nga magulu-aligmat ilabi na nga lauman nga may dala nga madamol nga ulan ang bagyo Verbena dugang pa nga may high tide umpisa alas- 10:00 karun sa gab-i kag ang pinakamataas gid lauman alas- 12:00 sang kaagahon.
Pahayag ni Ramirez, maghalong, magbantay sa weather update kag sa tion nga magbaskog ang ulan mas maayo nga mag-evacuate na sang sa nga hulaton pa nga magsaka ang tubig.
