-- ADVERTISEMENT --
Kanselado ang tanan nga byahe sang barko sa Northern Negros Occidental matapos nga ginpaidalom sa Signal no. 1 ang probinsya bangod sa bagyo Verbena.
Sa interview sang Bombo Radyo Bacolod kay Lt Junior Grade John Hofer Olis, spokesperson sang Coast Guard Station Northern Negros Occidental, alas- 5:00 kaina sang kaagahon nag-issue sila sang travael advisory nga suspendido ang tanan nga byahe sang barko sa pantalan sa Pulupandan, Bredco, Banago, EB Magalona, Cadiz, Escalanate, kag San Carlos.
Suno diri, nagpatigayon na sila sang coastal security patrol kag nakita nga dalagko ang balod sa baybayon.
Pa-athag ni Olis, kun maayo na ang panahon mahimo na nga mabatak ang kanselasyon kag maresume na ang byahe sang barko.
