Nagsugod na ang bidding para sa mangin garbage hauler sa ciudad sang Bacolod.
Sa interview kay Bids and Awards Committee Chairman Atty. Hermilo Pauyon, nasuguran na sang nagligad nga semana ang bidding process paagi sa pagpost sang PHILGEPS para sa masunod nga garbage hauler.
Suno kay Pauyon, nakapatigayon na sila sang prebidding kun sa diin ang mga interested bidder ang makapamangkot angot sa proyekto.
Suno diri samtang wala pa nagtakop ang bidding process indi pa mahibaluan kun pila gid ang luyag nga magpasakop sa bidding.
Dugang pa sini, subong nga adlaw, Disyembre 18 patigayunon ang bid evaluation.
Nagdangat naman sa P330 million ang ginpain nga pondo para sa collection, hauling kag management sang basura sa ciudad sang Bacolod.
Suno kay Pauyon may yara man sang patigayunon nga bidding para sa pagpatukod sang cell no.5 sang sanitary landfill nga may budget nga P10 million.
Ginpahayag man sini nga mahimo man nga mahibaluan ang magadaog nga bidder antes matapos ang bulan.
Suno diri sa paghimo sang kontrata may yara sang number of days sa pagcomply kag wala man ginaisip ang holidays.
