Ginalantaw sang anay gobernador sang Negros Occidental nga mahimo nga nag-over react lamang si anay COMELEC Commissioner Atty Rowena Guanzon sa iya post sa social media angot sa nangin komento sini sa natabo sa tunga sang abugada kag mag-asawa sa isa ka mall sa Manila.
Sa interview sang Bombo Radyo Bacolod kay anay Negros Occidental Governor Rafael Coscolluela, ang ginpost sini sa facebook page ang kun ano ang iya nga opinyon angot sa natabo.
Suno kay Coscolluela, ang iya ginbutang sa iya post ang personal niya nga panan-awan kag wala ini sang nakita nga sala gani wala sang rason nga magpangayo siya sang pasaylo.
Dugang pa sa anay nga gobernador indi man tanan ang madala sa pahog kag siya mismo ang wala nakahibalo sang iya madugay na nga sekreto nga ginapahayag sang abugada nga iya nahibaluan.
Suno kay Coscolluela, kung wala ka man sang indi maayo nga ginahimo wala man sang rason nga maguba ang imo adlaw bangud ginpahayag man ni Atty Guanzon sa iya nga post nga gub-on sini ang iya nga paskwa.
Ini ang nangin pahayag sang anay gobernador matapos ang nangin reaction ni Atty Rowena Guanzon sa iya post sa social media matapos ang natabo sa pagbaisay sang abugada kag mag-asawa sa sulod sang Rockwell mall.
Samtang ginbutang man sini sa post ang pamangkot sini nga kun bala mahimo man nga mahimuan sang tikang sang Korte Suprema ang nangin aktwasyon sang abugado sa publiko bangud sa nahibaluan sini nga code of ethics sang mga abugado ang daw indi insakto ang ginhimo sini.
Suno sa anay gobernador ang mall isa ka pampubliko nga lugar dapat ang gwardiya nga nagsaway sa nagvideo ang nagpatunga kag nag-adbiso sa mag-asawa kag sa abugada nga kun ano man tani ang issue sang mga ini ang ginsolbar nalang sa sulod sang opisina agud indi man matublag ang publiko.
Gindugang man ni Coscolluela nga maayo man ang ginpahayag nanday Richard Heydarian nga mag-cease fire lang anay ang abugada kag indi man maayo nga magpinang-away bangud holiday season.
Nagpromisa man ini nga indi na siya magkomentaryo parte sa abugada bangud nagdeklarar na ini sang ceasefire.
