Baligya-anay sang prutas, mahina pa

Indi pa gid man madamo ang nagabakal sang prutas sa Gonzaga St, Bacolod City.

Suno sa vendor nga si Lucelyn Puerto Dela Paz, pigado pa sa karun ang baligya-anay apang nagalaum ini nga makabawi sila sa Christmas kag New Year.

Suno diri, iban nila nga ginabaligya nadunot na kag wala pa sila nakabawi sa ila capital sa pagbaligya.

Apang, ginpasalamatan na lamang sini nga bisan papaano may nag-order sa iya sang wholesale.

Sa karun, nakaplastar na ang mga fruit vendors sang ila mga stalls kag sang ila mga baligya kaangay sang saging, durian, orange, pinya, lemon, chico, apple, ponkan, grapes, kapayas, melon, peras, singkamas, pomelo kag iban pa.