Ginkumpirmar sang Provincial Administrator sang Negros Occidental nga nabaton na sini ang impormasyon nga napirmahan na sang Malacañang ang deed of donation para sa P50 million nga Presidential Assistance Fund (PAF) para sa mga pumuluyo sang Negros Occidental nga naapektuhan sang Bagyo Tino.
Sa interview kay Atty. Rayfrando Diaz, nabaton na sini ang update gikan sa treasurer’s office matapos ang pagfollow-up sang focal person nakumpirmar nga napirmahan na gid ang deed of donation.
Ang nasambit nga pondo ang ipanagtag sa mga Local Government Units nga naapektuhan sang Bagyo Tino partikular na sa 4th kag 5th District bangud sila ang tuman nga naapektuhan.
Suno kay Diaz, ginahulat nalang nila nga mabalik ang dokyumento sa ila kag ginhatagan naman sila sang gobernador sang instruction nga ipanagtag ang pondo equitable sa percentage sa kahalitan nga ginbilin sang bagyo sa LGU.
Ang ayuda ang ipanagtag sa mga naapektuhan paagi sa cash assistance kag maga-depende sa LGU ang kantidad nga pagabatunon sang beneficiaries.
