Pagaserbehan kuntani sang National Bureau of Investigation (NBI) sang warrant of arrest si Atong Ang sa ginapahayag isa sa mga propedad sini sa Barangay Pundaquit, San Antonio, Zambales.
Santo sa report, nag-abot sa beach house ang mga operatiba sang NBI-National Capital Region kag NBI-Olongapo City kun sa diin lima ka mga katapo sang NBI ang ginpahanugotan nga makasulod sa propedad apang wala nila nakita si Ang.
Nahibaluan nga ang 68 anyos nga negosyante ang ginakabig na nga pugante matapos magpaggwa sang mga warrant of arrest batok sa iya may kaangtanan sa kaso nga “kidnapping with homicide” sa pagkadula sang pila ka mga manugbulang.
Ang nasambit nga kaso ang non-bailable sa idalom sang layi samtang yara sa P10 million ang gintalana nga padya sa makatudlo sa ginahamantangan ni Ang.
