Patay ang driver sang motorsiklo matapos malapakan sang isa ka truck sa Circumferential Road Brgy. Efegenio Lizares, Talisay City, Negros Occidental alas-2:50 kahapon sang hapon, Enero 25.
Sa interview sang Bombo Radyo kay Police Major Rhazl Jim Jocson, Deputy Chief of Police sang Talisay City Police Station, ang Kawasaki Fury nga ginamaneho ni Rex Tortogo, 35-anyos residente sang Brgy. Cabatangan, Talisay City, Negros Occidental kag ang Isuzu Giga nga ginamaneho ni Jose Jetry Canoy, 52-anyos, lalaki kag residente sang Brgy. Area 6, Cabuyao, Novaliches Quezon City ang lunsay halin sa Bacolod City padulong sa Silay City.
Suno kay Jocson, nadulaan sang control ang driver sang truck rason nga aksidente sini nga nabungguan ang ginasundan nga motorsiklo.
Bangud sini, ang biktima ang nabunggo sa gutter kag aksidente nga nalapakan sang truck.
Ang biktima ang naka-angkon sang fatal head injuries nga nag-resulta sang iya kamatayon.
Sa karun, ang driver kag ang truck ang yara na sa kustodiya sang Talisay City Police Station.
