20 ka mga drivers kag helper ang nagpositibo sa ginpatigayon nga surprise drug test sa Negros Oriental, kahapon.
Sa ginpatigayon nga Oplan Harabas sang Land Transportation Office – Negros Island Region, Philippine Drug Enforcement Agency – Negros Island Region, Coast Guard District Southern Visayas, Police Regional Office – Negros Island Region, Regional Highway Patrol Unit – Negros Island Region, Provincial Government sang Negros Oriental kag Local Government Unit sang Dumaguete City, sa 193 ka mga bus drivers kag conductors, truck drivers kag helpers, delivery riders, jeepney drivers kag E-trike drivers, 20 diri ang nagpositibo sa drug test.
Ini ginalakipan sang 14 ka truck drivers, isa ka truck helper, isa ka jeepney driver, tatlo ka tricycle driver kag isa ka ebike drivers.
Ang mga sample sang nagpositibo natalana pa nga ipaidalom sa confirmatory test.
