Napasakaan na sang kaso ang foreign national nga nagbuno-patay sa iya nga Filipina nga asawa sa Brgy Pinucutan, Vallehermoso, Negros Occidental.
Sa interview sang Bombo Radyo Bacolod kay Police Captain Verwell Sorenio, hepe sang Vallehermoso Municipal Police Station, ginakabig nga case close na ang kaso matapos nga napasakaan na ang kaso nga paricide matapos nga legally married ang mga ini.
Suno kay Sorenio, ginbuno sang bana nga American national kag anay miyembro sang US Marine ang Pinay nga asawa bangud sa ginapahayag nga selos.
Ginkilala ang biktima kay Norma Hall, 36 anyos kag ang suspek kay John Hall, 40 anyos, American National kag mga residente sang nasambit nga lugar.
Suno sa hepe ang biktima kag ang suspek ang may yara na sang daan nga indi pag-instindihanay kun sa diin nga nagasaylo-saylo sang ila nga gina-estaran.
Ginapahayag nga sa ila balay bisan ang mga anak sang mga ini ang indi na makasulod sa ila kwarto ang mga kabataan.
Antes ang pagpamuno may nagluntad nga komosyon kun sa diin nagresulta sa pagpamuno.
Ang biktima ang nakaangkon sang pilas sa tangkugo, liog natuo nga tiil, kag dughan.
Sa karun nakahunong na ang suspek sa Vallehermoso Municipal Police Station kag nagapangatubang sang kaso nga parricide.
