Patay ang driver sang motorsiklo matapos nga madulaan sang control kag aksidente nga nakabunggo sa puno sang niyog sa bahin sang National Road, Purok Pepsi, Barangay Luna, Cadiz City, Negros Occidental alas 3:00 ang takna sang kaagahon, Pebrero 5, 2026.
Sa imbestigasyon sang Cadiz City Police Station ang Yamaha Sniper 150 nga motorsiklo nga ginamaneho ni alyas John, 32 anyos, kasado kag residente sang Sitio Naga Angela, Barangay Sicaba, Cadiz City, Negros Occidental ang nagabiyahe Cadiz City proper padulong sa Barangay Sicaba.
Pag-abot sa lugar sang insidente, nadulaan sang control sa ginamaneho nga motorsiklo ang biktima kag aksidente nga nakabunggo sa puno sang niyog.
Nakaagom sang samad sa pila ka bahin sang lawas ang biktima kag gindala pa sa ospital apang gindeklarar nga dead on arrival.
Ang motorsiklo ang gindala sa Cadiz City Police Station para sa verification kag proper disposition.
