Patigayunon na subong nga adlaw, Pebrero 9 ang turnover of command sa magabulos kay Police Col. Joeresty Coronica bilang city director sang Bacolod City Police Office.
Una na nga nagbisita si Coronica kay Bacolod City Mayor Greg Gasataya para sa exit call kasunod sa masobra isa ka tuig sini nga pagpangalagad bilang BCPO Director.
Si Coronica, ang idestino na sa Police Regional Office – Negros Island Region (PRO-NIR).
Subong nga adlaw mahibaluan kun sin-o ang magabulos kay Coronica bilang BCPO Director.
Una naman nga nagpasalamat si Coronica sa ginhatag nga budget para sa ICT development sang BCPO sa pagbaton nila sang mga computers, LED wall, kag pag-install sang mga CCTV sa nagkalain-lain nga area sa ciudad, kag ang ginhatag nga armored SWAT van.
