Nasapwan nga wala na sang kabuhi ang lalaki nga naanod sa suba sang Martes, Pebrero 10 sa Barangay Macagahay banwa sang Moises Padilla.
Nahibaluan nga gilayon nga nagpatigayon ang Moises Padilla Disaster Risk Reduction Management Office (DRRMO) sang search and rescue operations matapos mareport nga si Jeremy Tonato, 33 anyos ang naanod sa suba.
Sa interview sang Bombo Radyo kay PMajor Ryan Villasario, pasado alas-11:00 kahapon sang aga, nasapwan ang bangkay ni Tonato sang isa ka pumuluyo sa Barangay 4 sa nasambit nga banwa kag ginabanta 15 kilometros ang kalayuon halin sa kun diin ini naanod.
Suno kay Villasario, papuli na kuntani si Tonato sa ila nga balay sang ini ang tuyo nga magtabok sa suba agud apason ang iya nga amay sa tabok apang wala masarangan sini ang mabaskog nga daludo sang tubig rason nga ini ang naanod.
