Preparado na ang Bacolod City Goverment sa pag-host sa Negros Island Regional Athletic Association Meet 2026 nga maga-umpisa sa Marso 1 tubtob 7, 2026.
Suno kay Mayor Greg Gasataya, napirmahan na kahapon ang P57.5 million nga budget para sa amo nga event kun sa diin P30 million ang gin-alokar para sa athletes kag P27.5 naman para sa hosting.
Samtang, may ara naman sang 902 ka mga atleta sa ciudada sang Bacolod nga maga-compete para sa nagkalain-lain nga sports event sa NIRAAM.
Ginpasalamatan naman sang alkalde ang tanan nga lokal nga ahensya sang gobyerno nga nagbulig kag naghatag suporta agud masiguro ang preparasyon sang ciudad.
Suno diri, ginabanta 15,000 ka delegates sang Negros Island Region ang magapartisipar sa labing una nga Negros Island Regional Athletic Association Meet (NIRAAM) kun sa diin ang ciudad ang natalana nga magahost sang pahampang.
Gani, nagapanawagan si Gasataya sang kooperasyon sa Traffic Manage ment Unit, City Health Office, Bacolod Environmental and Natural Resources Office(BENRO) kag sang iban pa nga mga ahensya nga maghatag sang dugang nga effort para mangin madinalag-on ang pagpatigayon sang NIRAAM.
