‎Masobra P400K nga balor sang suspected shabu, narecover sa 28 anyos nga lalaki sa Brgy 12, Bacolod City

Nagdangat sa masobra P40,000 ang balor sang suspected shabu nga narecover 28 anyos nga lalaki sa drug buybust operation nga ginpatigayon sa Prk Malipayon, Brgy 12, Bacolod City alas-10:31 kagab-i.

Ang suspect ang ginkilala nga si Alyas June ukon Parts, 28 anyos, single, wala sang trabaho kag residente sang Prk Fatima, Brgy 31, Bacolod City.

Ang operasyon ang ginpangunahan sang Bacolod City Drug Enforcement Unit kabulig ang Bacolod Police Station 1 kag Bacolod City Mobile Force Company.

Narecover sa suspect ang 16 ka sachet sang suspected shabu kalakip na ang buybust item, nga ginabanta nagabug-at sang 65 grams nga may standard drug price nga P442,000.