Opisyal na nga nag-umpisa ang Negros Island Regional Athletic Association Meet 2026.
Ang deklarasyon sa pagbukas sang nasambit nga pahampang ang ginpangunahan ni Department of Education-Negros Island Regional Director Dr. Ramir B. Uytico, CESO III.
Sa interview sang Bombo Radyo Bacolod kay Uytico, naappreciate sini ang tanan nga delegasyon nga nag-upod sa regional meet.
Ginhighlight man sini ang pagtinguha sang Canlaon City, Negros Oriental sa pagpadala sang mga atleta sa regional meet apisar sa natabo sa ila sang Bagyong Tino sang tinalikdan nga tuig.
Suno kay Uytico, heartwarming para sa iya ang pagpadala sang tagsa ka mga Schools Division Offices (SDOs) kag pagsuporta sang mga Local Government Offices sa mga atleta nga magahampang sa Negros Island Regional Athletic Association Meet (NIRAAM) 2026.
Bangud sini nakita na niya nga ang kadalag-an sang hinampang indi lang sa Opening program kundi sa kabug-usan na sang regional meet.
