Ginahulat pa sang Land Transportation Office-Negros Island Region (LTO-NIR) ang sabat sang motorcycle rider nga gindagdagan sang show cause order matapos nga ang nagluntad nga road rage incident sa national highway sang Purok Bernabe, Barangay Salvacion sa banwa sang Murcia, Negros Occidental sang Domingo, Marso 8.
Ginkilala ang biktima kay alyas Luisito, 67 anyos, Association of Barangay Captains (ABC) President kag anay miyembro sang Sangguniang Bayan sang Murcia samtang ang suspek amo si alyas Patrick kag residente sang Barangay Patag, Silay City.
Sa interview sang Bombo Radyo Bacolod kay LTO-NIR Director Jeck Conlu, ang suspek ang nadagdagan na sang show cause order kag dapat mareply ini sa sulod sang lima ka adlaw nga gintalana sang ahensya agud makasabat ini.
Suno kay Conlu, kun indi ini makasabat ipatuman na sang ahensya ang 90-day suspension kag mahimo pa marevoke ang driver’s license sini.
Suno sa regional director dapat tandaan sang publiko nga ang driver’s license ang isa ka pribelihiyo nga ginhatag sang LTO sa holder kag dapat halungan.
Posible man nga irevoke ang driver’s license sa tion nga ang holder ang imbulbado sa road rage nga wala gid ginatolerar sang ahensya ang kaangay nga behavior.
