Pormal na nga ipatigayon ang imbestigasyon sang House Comittee on Justice sa impeachment complaint batok kay Vice President Sara Duterte matapos nga wala nagpagwa sang temporary restraining order ang Korte Suprema agud mapauntat ang proseso.
Ginkumpirmar ni House Committee on Public Accounts Chair kag Bicol Saro Party-list Representative Terry Ridon nga ara na ang tanan nga preparasyon para sa pagpadayon sang hearing.
Kadungan sini, gin-anunsyo sang mamalidha nga may mga key witnesses na sila nga ipresentar sa komitiba, lakip na si Ramil Madriaga nga gina-alegar bagman sang bise presidente.
Apisar nagaabante ang proseso, ginklaro ni Ridon nga ginakabig lamang ini nga preliminary investigation kag indi pa pormal nga trial.
Suno sa kongresista, ginatuman lamang sang Kamara ang exclusive mandate sini sa idalum sang Konstitusyon.
Magluwas sa nasambit nga bagman, ginalauman man nga maga-atubang sa mga mamalidha ang mga opisyales gikan sa nagkalain-lain nga mga ahensya sang gobyerno, mga abogado, kag iban pa nga resource persons direkta nga may kaangtanan sa mga alegasyon.
Agud masiguro ang patas nga proseso, gin-athag ni Ridon nga ang kredibilidad sang tagsa ka witness nga magatestigo ang magaagi sa intense scrutiny.
