13 anyos nga nakagat sang man-og, patay matapos ginpahulom sa ginakabig ‘Holy River’ imbes nga dal-on sa ospital

Ginbawian sang kabuhi ang 13 anyos nga lalaki sa India nga nakagat sang man-og bangod imbes nga dal-on sa ospital, nagdesisyon ang pamilya nga ihulom na lang ang bata sa ginakabig nga “Holy River”.

Ang bata nga si Amit nagpanugid sa iya pamilya nga nakagat ini sang man-og apang imbes nga gilayon siya nga dal-on sa ospital, nagdesisyon ang pamilya nga dal-on ini sa albularyo.

Ginsugo sila sang albularyo nga higton si Amit sa kawayan kag ihulom ang iya lawas sa Ganges River sa sulod sang 12 oras.

Sang nanotisyaran sang pamilya nga nalipongan na si Amit, amo pa lang sang gindala siya sa ospital apang wala na ini nasalbar.

Samtang, may alegasyon pa nga liwat gindala sa suba ang lawas ni Amit sa pagpati sang pamilya nga may matabo nga milagro.