Ginakasubo sang National Police Commission – Negros Island Region (NAPOLCOM-NIR) pagkamatay ni Police Lt. Col. Romeo Vargas, ang pinuno sang City Administrative and Resource Management Unit sang Bacolod City Police Office.
Madumduman nga naabtan nga wala na sang kabuhi si Vargas sang emergency rescue team sa sulod sang iya balay sa Purok Zone 12, barangay Handuman kahapon sang aga.
Sa interview sang Bombo Radyo kay Atty Owen de Luna, Director sang NAPOLCOM-NIR, ginkasubo sini ang pagkamatay ni Vargas bangud kilala niya ini bilang isa ka mabuot, maayu nga officer kag malawig ang pagserbisyo.
Suno kay De Luna, indi siya makapati sa natabo kay Vargas bangud nakita pa niya ini nga nagsaka sa stage kadungan sa pagbisita ni NAPOLCOM commissioner Josephus Garrote Angan sang Lunes.
Dugang pa, nag-istoryahanay pa sila nga duha kag nangin maayu man ang ila nga pagkumustahanay gani nakibot na lamang ini matapos nahibaluan ang natabo.
Wala man ini sang may nakita nga problema kay Vargas.
Pahayag ni De Luna nga sa subong indi pa sila makahatag sang pahayag angot sa natabo nga insidente samtang ginahulat pa ang resulta sang imbestigasyon.
