Kadungan sang Opisyal nga pagbukas sang 66th Palarong Pambansa nga ginatawag locally nga Palaro Tu Agsur, opisyal naghatag sang iya mensahe si President Ferdinand “Bongbong” Marcos Jr. sa mga atleta nga magahampang sa national games.
Sa video message nakahibalo ini nga sa paghampang sang mga atleta sa Palarong Pambansa nakahibalo ini nga bitbit sang mga ini ang pangalan sang ila rehiyon kasubong man ang ila mga handom.
Bangud sini, nagpasalig ang presidente nga ang gobyerno ang magapadayon sa pagsuporta sa mga ini agud nga malab-ot ang ila nga handom.
Suno sa presidente sa labing-una nga kahigayunan ang Philippine Sports Commission ang magahatag sang incentives para sa tanan nga atleta nga makakuha sang medalya sa regular sports kag Para Games.
Ini agud nga kilalahon ang abilidad sang mga ini.
Nakahibalo man ini nga himuon sang mga atleta ang tanan nga masarangan agud nga makakuha sang medalya apang nagpanugyan ini nga indi dapat pagkalimtan sang mga kabataan nga mag-enjoy bangud madamo ang mga ini sang matun-an sa paghampang sa Palarong Pambansa.
Sa pihak nga bahin, sa mensahe ni Special Assistant to the President Antonio Lagdameo ang Department of Education ang naghatag na sang mga sports equipments sa masobra sa 6,000 ka mga eskwelahan agud nga may nagakaigo nga training ang mga atleta kag mapasanyog ang sports sa pungsod humalin sang 2022-2025.
Suno kay Lagdameo, madamo pa sang mahatagan nga mga eskwelahan sang sports equipment subong nga tuig.
Sa mensahe naman ni Department of Education Secretary Sonny Angara, ginpasalamatan sini ang probinsya sang Agusan Del Sur sa pagpanguna ni Agusan del Sur Governor Santiago B. Cane, Jr. sa paghost sang Palarong Pambansa 2026.
Ginpreparahan sang nasambit nga probinsya ang hosting sang national games sang duha ka tuig kag tatlo man ka dekada ang ila paghulat agud nga sila ang liwat nga makahost.
Gindayaw ni Angara ang organized belitting areas kag ang pagtransport ukon Libre Sakay sa mga atleta.
Ginpasalamatan man sang Education secretary ang tanan nga mga atleta, coaches kag trainers sa ila nga mga sakripisyo agud makahampang sa Palarong Pambansa.
Gindayaw man sini ang pagtinguha sang mga atleta nga makakuha sang gold medal apang panugyan sini nga ang makalab-ot sa Palarong Pambansa ang isa na ka achievement.
Ginpasalamatan sini ang presensya ni Philippines’ first Olympic gold medalist Hidilyn Diaz-Naranjo.
