Nagdangat na sa 14 ka mga lokal nga panguluhan sa Davao Occidental, Sarangani, kag South Cotabato ang nagdeklarar sang state of calamity kasunod sang halit nga dala sang magnitude 7.8 nga linog nga nag-igo sa Mindanao sang Hunyo 8.
Santo sa Office of Civil Defense (OCD), makabulig ang deklarasyon agud mapadasig ang pagbakal sang relief goods, pagpatuman sang mga recovery program, kag pagpagwa sang bulig para sa mga apektado nga komunidad.
Nagpatuman man sang price freeze sa mga nagapanguna nga balaklon sa mga lugar nga yara sa idalum sang state of calamity.
Base sa pinakaulihi nga datos sang NDRRMC, naglab-ot na sa 65 ang ginbawian sang kabuhi samtang masobra 736,000 ka indibidwal ang naapektuhan sang linog.
Narecord man ang masobra 57,000 ka naguba nga pamalay, kalakip ang kapin 10,000 nga totally damaged.
Padayon naman nga ginatun-an sang mga otoridad kun pwede pa liwat patindugan sang mga balay ang pila ka mga lugar ukon kinahanglan na nga isaylo ang mga residente sa mas luwas nga lokasyon.
