Arestado ang 18 anyos nga college student sa drug buybust operation nga ginpatigayon sa Prk Gemelina, Brgy 1, San Carlos City.
Ang biktima ang ginkilala lamang nga si Alyas Aljur, 18 anyos, residente sa lugar.
Narecover sa iya ang anom ka sachet sang suspected shabu nga may standard drug price nga P9,180.
Sa interview sang Bombo Radyo Bacolod kay Police Captain Rodney Sarona, deputy chief of police sang San Carlos City Police Station, ginalantaw nga bag-uhan lamang sa pagbaligya ang suspect.
Nag-ako man ini nga siya ang nagagamit sang ginadumilian nga droga.
Suno sa iya, personal nga konsumo lamang sini ang iya ginabakal, apang nagabaligya man ukon may magbakal sa iya.
Panawagan ni Sarona nga untatan na ang illegal nga mga buluhaton partikular ang pagbaligya sang illegal nga droga bangod ang San Carlos City Police Station ang nagahimo gid sang operasyon kun makabatun sang report tuhoy sa mga nagabuhat sang illegal.
