Welcome development para sa Alyansa Kontra Basura ang pagwithdraw sang Victorias City sa request nga paghaboy sang basura sa Bacolod Sanitary Landfill, apang panawagan sang grupo sa Bacolod City Council nga magpagwa sang official resolution.
Sa interview sang Bombo Radyo Bacolod kay Alyansa Kontra Basura convenor Wennie Sancho, maayo nga balita ang pagwithdraw ni Victorias City Mayor JunB Bantug sa Memorandum of Agreement, apang kun indi magpagwa sang official resolution ang Sangguniang Panlungsod, nagakahangawa ang mga ini nga ibalik lamang ukon iressurect ang request ano man nga tion.
Panawagan sini sa mga konsehal nga magpagwa sang resolusyon nga nagadeklarar sa proposal nga ‘null and void’ agud indi na malipot ang mga pumuluyo.
Panindugan niya nga dapat mangin vigilante, agud indi masulit ang problema.
Suno kay Sancho, nagsumiter na siya sang opposition letter nga naka-address kay Bacolod City Vice Mayor Claudio Jesus Puentevella, nga amo ang presiding officer sang Sangguniang Panlungsod, apang natabuan man nga nagwithdraw na sang proposal ang Victorias City.
Liwat ini nga magapadala sang sulat para naman sa panawagan sang pagpagwa sang resolusyon.
Panindugan ni Sancho nga siya ang wala nagapamalabag kun para sa kaayuhan, kag kun ini ang may kaangtanan sa Waste to Energy Project, apang importante nga may full public disclosure.
Ginpasalamatan man sini ang panindugan sang mga pumuluyo kag mga opisyal sa Brgy Felisa nga nagpamatok gid sa plano, kag ini ang ginakabig niya nga kadalag-an para sa environmental justice.
