Malipayon nga nagbatun sang P1,000 cash kag P500 worth sang gift pack ang 10 ka mga Palengke Draw winners sa una nga Palengke Activation sang Swerte sa Palengke Promo 2026 sang Bombo Radyo kag Star FM.
Ang mga tagdaog ang ginlakipan nanday Lilia Lagrama sang Donia Juliana Street, Brgy 23, Bacolod City; Edeluz Mahinay sang Libertad Public Market; Noe Pahilagao sang Prk Santol, Brgy Mandalagan, Bacolod City; Marilou Angel sang Prk Maghili-ugyon, Brgy 35, Bacolod City; Alma Paala sang Block 28, Lot 19, Brgy Mansilingan, Bacolod City; Alleyah Villapa sang Prk Malipayon, Brgy 35, Bacolod City; Jenny Galas sang Brgy Alijis, Bacolod City; Mauro Martir sang NHA Pahanucoy, Bacolod City; Devie Jane Flores sang Libertad Public Market, kag Althea Villa Castel sang Prk Malipayon, Brgy 35, Bacolod City.
Sa interview sang Bombo Radyo Bacolod kay Alleyah Villapa, 12 anyos, Grade 7 student, ang nadag-an sini nga cash ang madugang pa sa iya nga balon sa pag-eskwela.
Suno diri, siya ang nagabalon sang P50 kada adlaw, gani dako nga bulig ang P1,000 cash nga nadag-an.
Ginpasalamatan man sini ang Bombo Radyo kag Star FM kasubong man ang mga sponsors, samtang panugyan sini sa iban nga maghulog man sang entries agud makadaog kag may pangbakal sang mga panginahanglanon.
Luwas sa Palengke Draw winners, may mga nakabatun man sang P500 cash kag gift pack sa mga parlor ganes.
Ang Videoke Challenge ang nadaog ni Ricardo Alimania sang Brgy Taculing, Bacolod City; samtang ang Hep Hep Hooray ang nadaog naman ni Leah Curada sang Brgy 35, Bacolod City.
