Patay ang pork kag meat vendor matapos maaksidente sa motorsiklo sang ginlamon sang kadena ang iya nga jacket sa Prk Katilingban, Murcia Road, Brgy Mansilingan, Bacolod City alas-5:04 kaina sang aga.
Ang biktima ang ginkilala nga si Leo Gentelozo, legal ang edad, residente sang Prk Guanzon, Brgy Mansilingan, Bacolod City.
Sa inisyal nga imbestigasyon sang Traffic Enforcement Unit sang Bacolod City Police Office, si Gentelozo ang nagamaneho sang RUSI Bolt 125 nga motorsiklo sang aksidente nga ginlamon sang kadena sang motorsiklo ang iya nga jacket, nga ginalantaw rasun sang iya pagkatumba.
Naabtan sang kapulisan nga nagahigdaon sa kilid sang iya motorsiklo ang biktima, kag ini ang ginhingagaw pa sang Rescue Ambulance sang Barangay nga madala sa ospital apang ini ang wala na natabangan.
