Pormal na nga ginpadala sang Senate impeachment court ang mga subpoena para sa bank, tax, kag financial records ni Vice President Sara Duterte, sang iya bana nga si Atty. Manases Carpio, kag sang mga kompaniya nga gin-angot sa ila.
Ginpagwa ang mga dokumento agud maid-id nga ma-imbestigaran ang mga alegasyon sang unexplained wealth sa idalom sang Article IV sang Articles of Impeachment.
Ginmanduan man ang Bureau of Internal Revenue (BIR), Anti-Money Laundering Council (AMLC), kag pila ka mga banking institutions nga ihatag ang mga dokumento sa Clerk of Court tubtob sa Hulyo 30, alas-9:00 sang aga.
Suno kay Senate impeachment court spokesperson Reginald Tongol, may pila na ka institusyon ang nagsumiter sang mga bank checks ni Duterte.
Madumduman nga ginpamatukan sang pila ka mga senator-judges ang pag-subpoena sa bank kag tax records sang bise presidente apisar ginpahanugutan sang korte ang nasambit nga tikang.
Kalakip sa mga nagpamatok sanday Senator Alan Peter Cayetano, Pia Cayetano, Imee Marcos, Loren Legarda, Camille Villar, kag Bong Go.
Maga-resume ang impeachment trial ni VP Sara sa Miyerkules, Hulyo 29, sa bag-o sini nga schedule humalin alas-10:00 sang aga tubtob alas-3:00 sang hapon.
