Nagapadayon ang pagpatigayon sang spraying approach sa mga Local Government Unit (LGU) sa Negros Island Region batok sa red-striped soft scale insect (RSSI).
As of July 24, 2026, nagdangat na sa 78,352 hectares sa NIR ang narecord nga apektado sang RSSI samtang 28,464.75 hectares diri ang navalidate.
Sa interview sang Bombo Radyo kay Sugar Regulatory Administration Board Member Dave Sanson, ginpahayag sini nga nagsugod sila sa pagspray sang Hunyo kag nagapadayon tubtob sa subong.
Lakip sa napatigayunan sang chemical spraying kag biospraying ang banwa sang Murcia, Isabela, La Castellana kag Cadiz City.
Suno kay Sanson, kada semana may yara sang scheduled areas nga ginasprayan.
Paathag sini nga kun dako ang halit sang RSSI sa mga katubohan, ang ila ginagamit amo ang chemical spraying kag drone sparying kag biolegal spraying naman kun nubo ang infestation.
Apang suno kay Sanson, mas maayu ang manual sparying bangud direkta gid nga maigo ang peste indi kaangay sa drone nga kinahanglan panuboan agud maigo ang peste.
Dugang pa sini, mas manami nga i-apply ang biological spraying kun aga kag gab-i bangud diri nagapanago sa dahon ang peste.// Suno diri, ang mga peste ang mga nagagwa kun mainit ang tiyempo kag nagapanago kun tig ulolan.
Sa pihak sini, ginpahayag ni Sanson nga dako pa ang tsansa nga makabangon ang mga mangunguma kun may consilated effort ang tanan nga LGU sa pagtapna sang RSSI.
Pasalig man sini nga bukas ang SRA sa mahimo nga bulig sa mga sugarcane farmers kasubong man ang gobyerno kag DSWD sa paghatag sang assitance sa mga apektado nga mangunguma.
