Arestado ang duha ka soltero matapos makuhaan sang kapin P600,000 nga balor sang suspected shabu sa drug buy-bust operation sang City Drug Enforcement Unit, Bacolod City Police Office sa
Prk Chrysanthemum. Brgy 33, Bacolod City, alas-8:04 kagab-i.
Ginkilala ang mga subject person nga sanday Nico Martir, 20-anyos, ginakabig nga high value individual (HVI) kag Bryan James Valebia, street level individual, 20-anyos, lunsay wala sang trabaho kag residente sang Abada Escay, Progreso Village 1, Bacolod City.
Nakuha sa ila paghinakop ang lima ka heat-sealed transparent plastic sachets sang suspected shabu lakip na ang buy-bust item; tatlo ka knot tied transparent plastic bag sang nasambit nga ilegal nga druga; P1,000 buybust money kag iban pa nga non-drug items
Ang nakumpiskar nga ilegal nga druga ang ginabanta nagbug-at sang 100 grams nga may standard drug price nga P680,000.
