-- ADVERTISEMENT --
Patay ang 44-anyos nga driver sang motorsiklo matapos mahulog sa ginakay-o nga dalan sa Punta Coloso, Barangay 6, Kabankalan City alas-2:00 kaina sang kaagahon.
Ginkilala ang biktima nga si alias Toto, 44-anyos, lalaki, single, laborer kag residente sang Purok 2 proper, Barangay Mambugsay, Cauayan, Negros Occidental.
Sa inisyal nga impormasyon, si alyas Toto ang nagabyahe halin sa Kabankalan City padulong sa Barangay Mambugsay, Cauayan sang aksidente ini nga mahulog sa under repair nga portion sang dalan.
Bangud sa impact, ang biktima ang nakaagom sang severe head injuries kag gilayon nga gindala sa ospital apang gindeklarar nga dead on arrival.
