Ginpahayag sang mga kapulisan nga may kaangtanan sa Communist Terrorist Group ukon CTG ang pagluthang-patay sa isa ka mangunguma sa Sitio Panggiasgiasan, Barangay Lalong, Calatrava, Negros Occidental sang Agosto 23.
Ang biktima ang ginkilala nga si Jundel Bayarcal, 50 anyos, residente sang amo man nga lugar.
Sa interview sang Bombo Radyo Bacolod kay Police Captain Jesus Alba, hepe sang Calatrava Municipal Police Station, may yara na sila sang mga person of interest apang nagapangita pa sila sang additional witness agud nga mapabakod ang kaso nga i-file batok sa ginapatihan nga suspetsado sa krimen.
Suno kay Alba nga mahimo nga nasal-an lamang ang biktima.
Wala man sang record sa barangay ang biktima kag isa lamang ka orginaryo nga mangunguma.
Suno sa hepe nga mahimo nga nasal-an sang makawala nga grupo ang biktima nga nagaupdate ini sa gobyerno.
