Wala pa sang national plan ang Department of Public Works and Highways (DPWH) para sa flood control matapos gin-abisohan sang mga eksperto ang ahensya nga maggamit sang targeted approach.
Sa hearing sang House Committee on Appropriations para sa budget sang ahensya, ginpamangkot ni Akbayan Partylist Rep. Chel Diokno si DPWH Secretary Vince Dizon kun matuod nga wala pa gihapon sang national plan para sa flood control kag drainage.
Ini ang ginkumpirmar man ni Dizon kag nagpahayag nga stratehiya ini sang DPWH.
Suno diri, tanan nga 18 ka mayor nga river basin sa pungsod ang may yara na sang flood control plan, santo sa rekomendasyon sang foreign partners sang ahensya apang, 14 diri ang gina-update pa.
Ginalauman nga matapos sang foreign consultants ang mga update sa 2027.
Suno kay Dizon, may yara man gihapon sang general guidelines nga ginagamit sa kada flood control project.
Ginpahayag ni Diokno nga posible indi mangin consistent ang pagpatuman sang mga general principles sa masunod nga tuig kun wala sang national flood control plan.
Apisar wala pa sang national plan, suno kay Dizon, ginasuportahan sang ahensya ang Master Plan on Infrastructure and National Development Bill, isa ka 30-year plan para sa pagpa-uswag sang mga imprastraktura kag iban pa nga istraktura sa pungsod.
